У сеціве - асабістая старонка кіраўніка Гарадзенскага БНФ

Персанальная інтэрнэт-старонка Вадзіма Саранчукова ўтрымлівае біяграфію, фотагалерэю і праграмныя прынцыпы дэмакратычнага актывіста. Акрамя гэтага, наведвальнікі старонкі маюць магчымасць азнаёміцца з актуальнымі навінамі рэгіёна і дзейнасцю гарадзенскай гарадской суполкі партыі Беларускі Народны Фронт.

Вадзім Саранчукоў збіраецца ўдзельнічаць у парламенцкіх выбарах у якасьці кандыдата ў дэпутаты, таму стварэнне інтэрнэт-старонкі разглядае яшчэ і як магчымасьць дадатковага кантакту з выбаршчыкамі.

Бягучым часам на персанальнай інтэрнэт–старонцы Вадзіма Саранчукова адбываецца апытанне гродзенцаў, якое тычыцца ўдзелу ў будучых парламенцкіх выбарах. Абсалютная большасць рэспандэнтаў плануе прыйсьці на ўчасткі для галасавання ў дзень выбараў 28 верасня 2008 года.

Радыё Рацыя