9 ЧЭРВЕНЯ – МІЖНАРОДНЫ ДЗЕНЬ СЯБРОЎ

Свята сяброў адзначаюць ва ўсім свеце, нягледзячы на тое, што гэтая дата лічыцца неафіцыйнай.
Міжнародны дзень сяброў створаны для таго, каб мы ўзгадалі сваіх сяброў і парадавалі іх чым-небудзь.
Усе народы ва ўсе часы лічылі сяброўства самай вялікай каштоўнасцю, але пры гэтым лічылі, што сапраўднае сяброўства бывае вельмі рэдка і, як правіла, адносілі яго да мінулага. Нават нямецкі філосаф Гегель казаў, што “сапраўднае сяброўства бывае толькі ў маладосці, пакуль не вызначыліся жыццёвыя сцежкі”.

Вельмі трапна пра сяброў сказаў старажытны грэчаскі філосаф Арыстоцель: “Сябар – гэта адна душа, якая жыве ў двух целах”.

Думаем, у большасці людзей ёсць хаця б адзін сябар, якога можна павіншаваць з гэтым святам. Дык павіншуйце!