Гродна

У Горадні затрыманыя Ф.Вячорка і С.Сьвідзерскі

Супрацоўнікі гарадзенскай міліцыі затрымалі моладзевых актывістаў партыі БНФ Франака Вячорку і Сьцяпана Сьвідзерскага.У хлопцаў знайшлі налепкі: “Руйнаваць не будаваць”, “Гародню зьнішчаюць, а табе ўсё роўна?», “Губляем старую Гародню”. Хлопцаў трымаюць у міліцыі Ленінскага раёну Горадні. Іх дапытваюць супрацоўнікі міліцыі і КДБ. Франак Вячорка паспеў паведаміць “Свабодзе”, што міліцыянты казалі яму, што на хлопцаў складуць пратаколы і перададуць іх для разгляду ў суд. У Горадні штодня міліцыянты затрымліваюць моладзевых актывістаў дэмакратычнага руху, якія распаўсюджваюць інфармацыю пра зьнішчэньне гістарычных культурных помнікаў гораду.