Стыхійная акцыя побач з сынагогай у Гародні

Якраз перад пачаткам акцыі да людзей, што сабраліся, пад’ехаў старшыня гарвыканкаму Аляксандар Антоненка. Ён патлумачыў, што ніякай дарогі будаваць не плянуюць.

Словы чыноўніка пацьвердзіў і інжынэр, які ў гэты час назіраў за працай бульдозэра. Ён таксама патлумачыў, што схіл гары падсыпаюць, паколькі вада яго вымыла.

Аднак моладзевыя актывісты не паверылі старшыню гарвыканкаму й інжынэру. Рэканструкцыя старой часткі Гародні адбываецца ў закрытым рэжыме, працаў не абмяркоўваюць у СМІ — як вынік, пацярпела шмат помнікаў архітэктуры, некаторыя цалкам разбурылі.

Адзін з моладзевых актывістаў, Валеры Руселік, спрабаваў стаць на шляху трактара, але міліцыянты яго адцягнулі. Чатырох чалавек затрымалі, каб правесьці прафіляктычную гутарку.

Сярод затрыманых гісторыкі Алесь Смалянчук, Юры Гардзееў, дзьве школьніцы — Вольга Смалянчук і Вольга Літвіненка