Гродна

Пракуратуру - да адказнасьці

9 лютага бягучага года Аляксандар Кашчэеў звярнуўся у пракуратуру Рэспублікі Беларусь з заявай аб правядзенні праверкі законнасьці дзеянняў суда Кастрычніцкага раёна Гародні і патрабаваў узбудзіць крымінальную справу супраць суддзі Аляксандра Сецько, які, на думку Аляксандра Кашчэева, сфальсіфікаваў матэрыялы справы.

Дадзеная заява рэспубліканскай пракуратурай была накіравана ў пракуратуру Гарадзенскай вобласьці , адкуль спадар Кашчэеў атрымаў адказ, які не ўтрымліваў адказы на пастаўленыя пытанні.

27 лютага ён паўторна звярнуўся ў пракуратуру Рэспублікі Беларусь, заява зноў была накіравана ў Гарадзенскую абласную пракуратуру, аднак на працягу двух месяцаў скарга  не разгледжана, што супярэчыць закону краіны “Аб зваротах грамадзян”.

Аляксандар Кашчэеў лічыць дзеянні Гарадзенскай абласной пракуратуры пазазаконнымі , у сувязі з чым ён і звярнуўся у суд.

Скарга  грамадзяніна ў суд на пазазаконныя дзеянні пракуратуры досьць рэдкі выпадак, ва ўсялякім выпадку ў Гародні такіх прэцэдэнтаў не было. Невядома, як будуць разгортвацца падзеі далей, але Суд Ленінскага раёна Гародні павінен будзе даць Аляксандру Кашчэеву адказ па сутнасьці пададзенай скаргі.