Гродна

Спартоўцы-дзецям

Дапамогу атрымалі Панямунскі дзіцячы дом, Лойкаўскі сацыяльны прыют, Скідэльскі цэнтар карэкцыённага навучання , а таксама апякунскія і шматдзетныя сем’і. Не абмінулі спартоўцы ўвагай і скідэльскую сям’ю Камашавых, у якіх у бягучым годзе нарадзілася шаснаццатае дзіця.

Грошы і падарункі прадстаўнікам сацыяльных установаў уручалі зоркі сусветных спартовых арэнаў, у  прыватнасьці, чэмпіёнка Еўропы па лёгкай атлетыцы Алеся Турава і  чэмпіёнка сьвету па лёгкай атлетыцы Натальля Сафроннікава.

У межах акцыі “Спартоўцы - дзецям” прайшоў і раённы конкурс “Пісьмо любімаму спартоўцу”, пераможцам якога на сцэне скідэльскага дома культуры ўручылі узнагароды зоркі беларускага спорту.

Дабрачынная акцыя праводзіцца з 2000 года па ініцыятыве дэпутата палаты прадстаўнікоў Івана Семянені. За гэтыя гады ў ёй прынялі ўдзел больш за 400 спартоўцаў, сярод якіх 14 алімпійскіх чэмпіёнаў. С цягам часу акцыю пачалі выкарыстоўваць у сваіх прапагандысцкіх мэтах  такія арганізацыі як БРСМ і  грамадскае аб’яднанне “Белая Русь”, якія , па вялікаму рахунку , не маюць  дачынення да арганізацыі і правядзення мерапрыемства. Не стаў выключэннем і Скідэль, дзе маладыя камсамольцы і прадстаўнікі “Белай Русі” піярылі сябе што ёсьць моцы, ствараючы ў прысутных памылковае ўражанне аб тым, хто з’яўляецца сапраўдным арганізатарам і натхняльнікам  дабрачыннай акцыі “Спартоўцы - дзецям”.