Гродна

Прысуд дэзэрціру

Падчас правядзення папярэдняга следства Менскай міжгарнізоннай ваеннай пракуратурай высветлілася, што абвінавачаны, які знаходзіўся ў нарадзе па ахове дзяржаўнай мяжы Беларусі пакінуў мейсца вайсковай службы, скраўшы пры гэтым аўтамат Калашнікава і баявыя патроны.

У выніку аператыўна – пашуковых мерапрыемстваў дэзэртыр быў затрыманы ваеннаслужачымі памежных войскаў і супрацоўнікамі праваахоўных органаў у хляве на ускрайку адной з вёсак Гарадзенскага раёна, у непасрэднай блізі ад беларуска – польскай мяжы. Пры затрыманні ён не выказаў ніякага супраціву, а падчас следства патлумачыў, што дадзены ўчынак здзейсніў у сувязі з тым, што на працягу службы адчуваў прадузятыя адносіны да сябе з боку старэйшых служачых і афіцэраў.
У пошуках лепшай долі хлопец збіраўся перайсьці беларуска-польскую мяжу і аддаць свой лёс у рукі польскіх уладаў. Гэтыя тлумачэнні выклікалі пэўны недавер у следства, у выніку чаго шараговец павінен  быў прайсьці псіхіятрычную экспертызу. Дактары не знайшлі ніякіх адхіленняў у псіхіцы ваеннаабавязанага, таму 6 гадоў пазбаўлення волі яму прыйдзецца адбыць.

Ваенны пракурор па наглядзе за выконваннем заканадаўства на Дзяржаўнай мяжы і ў памежных войсках па выніках раследавання крымінальнай справы вынес дысцыплінарнае пакаранне камандзіру авйскавой часткі і яго намеснікам, а таксама прадпісанне аб устараненні недахопаў, якія садзейнічалі здзяйсненню дадзенага злачынства.