Гродна

Ствараецца біржа...Кааперацыйная

Прамысловасьцю Гарадзенскай вобласьці цікавяцца перш за ўсё невялікія нямецкія прадпрыемствы, якія маюць намер плённага супрацоўніцтва з беларускім бокам. У сувязі з гэтым і ствараецца сумесная кааперацыйная біржа, асноўны акцэнт якой будзе зроблены на індывідуальныя перамовы паміж нямецкімі і беларускімі удзельнікамі біржы з мэтай рэалізацыі сумесных праектаў, прамысловага аднаўлення гарадзенскіх прадпрыемстваў і выкарыстання заходніх тэхналёгій дзеля арганізацыі новых вытворчасьцей.

Сумесныя інвестыцыйныя праекты паміж прадпрыемствамі Нямеччыны і Беларусі могуць атрымаць фінансавую падтрымку Федэральнага міністэрства эканомікі і тэхналёгій Нямеччыны на умовах праграмы ПРО ІННО 2, а гэта 50 адсоткаў выдаткаў на ажыццяўленне  праекта.

Дзеля ўдзелу ў праграме супрацоўніцтва заходнія партнэры выбралі менавіта прадпрыемствы і арганізацыі Гарадзенскай вобласьці . І калі на сённяшні дзень ужо вядомыя удзельнікі праграмы з нямецкага боку, то беларускіх удзельнікаў адміністрацыя свабоднай эканамічнай зоны пакуль знайсьці не можа. Справа ў тым, што кіраўнікі прадпрыемстваў і арганізацый гарадзеншчыны з задавальненнем прынялі б удзел у ажыццяўленні шэрагу інавацыйных праектаў, але рашэнне прымаецца не імі , а вышэйстаячым чынавенствам са шматлікіх міністэрстваў. Не спяшаюцца таксама адклікацца на прапанову і прыватныя фірмы, якія  фактычна знаходзяцца пад татальным кантролем дзяржавы, у сувязі з чым рашэнне можа быць прынята толькі  пасьля адпаведных  кансультацый з праўладнай “вертыкаллю”.