Гродна

Сустрэча памежных кінолагаў

Цягам тыдня спецыялісты  абмяняюцца інфармацыяй аб дзейнасьці кіналагічных службаў сваіх краінаў, азнаёмяць калегаў з навукова – метадычнымі распрацоўкамі ў вобласьці падрыхтоўкі службовых сабакаў да аховы дзяржаўных межаў. Вялікая ўвага на сустрэчы надаецца племянной працы з жывёламі а таксама абмеркаванню перспектыў далейшага міжгаліновага  супрацоўніцтва ў сфэры развіцця службовай сабакагадоўлі.

У сустрэчы прымаюць удзел кіраўнікі кіналагічных службаў краін – удзельніц, а таксама інструктары па дрэсіроўцы, якія маюць намер абмяняцца вопытам працы дзеля умацавання межаў сваіх дзяржаў.

Прадстаўнікі Літвы і Латвіі маюць намер вывучыць магчымасьці Смаргонскага кіналагічнага цэнтра дзеля далейшай стажыроўкі на яго базе спецыялістаў сваіх краін. На прасторах былога Савецкага Саюза кіналагічны цэнтар Смаргонскага памежнага атрада лічыцца адным з найлепшых, у сувязі з чым відавочна зацікаўленасьць прадстаўнікоў Літвы і Латвіі да ўзаемавыгоднага супрацоўніцтва.