Гродна

Манёўры ў беларускім небе

У вучэннях па  кіраванню дзяжурнымі  супрацьпаветранай абароны пры выконванні баявых задач прымаюць удзел Арменія, Беларусь, Расея, Казахстан, Кіргізія, Узбекістан і Украіна. Трэніроўкі накіраваны на праверку  супольных дзеянняў пры небяспецы з захаду.
Падчас манёўраў адпрацоўваюцца пытанні прымянення баявых сродкаў супрацьпаветранай абароны да парушальнікаў паветранай прасторы  і ажыццяўляюцца сумесныя палёты самалётаў СУ-24 і СУ-27 ваенна – паветраных войскаў Расеі і Беларусі.

Дзеля правядзення вучэнняў задзейнічаны больш 120 самалётаў і верталётаў, а таксама зенітна – ракетныя комплексы С-300, С-125 і С-75, якія беларускае войска напрыканцы мінулага года атрымала ад Міністэрства абароны Расейскай федэрацыі.

Акрамя аэрадрома Рось, у камандна – штабной трэніроўцы задзейнічаны авіябазы Расеі, якія знаходзяцца на тэрыторыі Кіргізіі і Арменіі, а самалёты МІГ-31 адпрацоўваюць нанясенне ўдараў па звышгукавых і стратасфэрных мэтах, стартуючы з казахскіх і расейскіх аэрадромаў.
 
На тэрыторыі Гарадзенскай вобласьці знаходзіцца 2 аэрадромы, прызначаныя для прыняцця ваенна - баявых самалётаў. Аэрадром у Росі знаходзіцца ў працоўным стане, у той час, як на лідскім  аэрадроме праходзяць рамонтныя працы, якія неўзабаве павінны скончыцца і ваенны аб’ект зноў будзе мець мажлівасьць прымаць не толькі беларускія, але і расейскія самалёты.