Гродна

Турыстаў чакае пушча

Сродкі на ажыццяўленне праекта ў памеры 185 тысяч еўра гарадзенцы атрымалі, дзякуючы падтрымцы міжнароднай праграмы ТАСІС. Цяпер ажыццяўляецца распрацоўка маршрута па так званаму “Залатым коле Свіслачы”, у які уключаны гістарычныя мясціны, архітэктурныя помнікі і мейсцы адпачынку. У прыватнасьці, турысты будуць мець магчымасьць пазнаёміцца з манастыром францысканаў, помнікам архітэктуры 14-15 стагоддзяў у Грыневічах, драўлянай царквою Сьвятога  Яна у Дабраволі і музэем хлеба , які знаходзіцца ў Свіслацкай гімназіі.  

Ініцыятарам транспамежнага турыстычнага праекта стаў Гайнаўскі павет, прадстаўнікі якога прапанавалі гарадзенцам у ім паўдзельнічаць. Маршруты распрацоўваюцца з улікам таго, што іх будуць карыстаць як вела-турысты, так і аматары пешых вандровак.

Плануецца, што першыя турысты з’явяцца  на Свіслачы ў бягучым годзе. Прайшоўшы “Залатое кола”, аматары адпачынку накіруюцца далей – у Пружанскі раён, а потым – і ў Гайнаўку.