Гродна

Аблвыканкам узяўся за гуркі

Пастанова аблвыканкама прадугледжвае абмежаванне як закупачных коштаў, так і коштаў на продаж  гародніны, якая вырошчваецца ў закрытым грунце. У прыватнасьці, кошты на гуркі не павінны перавышаць 4800 беларускіх рублёў, на памідоры – 4300. Гэтыя кошты распаўсюджваюцца як на юрыдычных асоб, так і на індывідуальных прадпрымальнікаў. Згодна з загадам старшыні аблвыканкама Уладзіміра Саўчанкі, максімальная гандлёвая надбаўка не павінна перавышаць 10 адсоткаў.
У тым жа дакуманце гаворыцца, што тыя асобы, якія парушаць загад, панясуць адміністрацыйную адказнасьць згодна з існуючым заканадаўствам. Гэта значыць, што непаслухмяных чакаюць вялізарныя грашовыя штрафы.
Раней на Гарадзеншчыне гуркі, як і памідоры, каштавалі на некалькі тысяч даражэй, что на думку чынавенства, было непрыймальным  для грамадзян. Па вялікаму рахунку, новыя кошты таксама досьць высокія, таму многія гарадзенцы лічаць крок кіраўніцтва аблвыканкама папулісцкім: замест таго, каб падымаць заробкі, улады спрабуюць штучна панізіць кошты на тую прадукцыю, якая ў асноўным імпартуецца з-за мяжы і такім чынам , за кошт прыватных фірмаў і прадпрымальнікаў панізіць сацыяльную напругу ў грамадстве.