На Шчару - з байдаркай ці бутэлькай?

Уладкаванне мясцін для адпачынку завяршаецца на беразе ракі Шчара ў раёне вёскі Воля – Крупіцы, а таксама ва ўрочышчы Абсог-месцы зліцця Шчары з Нёманам і палягае на тым, што за конт абласнога бюджэта усталёўваюцца сталы, навесы і лаўкі, а таксама назапашваюцца дровы для вогнішчаў.. У разуменні абласнога чынавенства, турыстычная інфраструктура палягае менавіта на тым, каб аматары адпачынку перш за ўсё мелі мейсцы, дзе можна выпіць і закусіць.

На сённяшні дзень у штаце дзяржаўнай прыродаахоўнай установы “Рэспубліканскі ландшафтны заказнік Ліпічанская пушча” налічваецца пяць чалавек, два з якіх гатовы суправаджаць турыстаў у якасці экскурсаводаў. Адзіны маршру, які прапануецца - падарожжа па месцах былых баёў і партызынскіх баз. Але жадаючых аглядаць гэтыя мясціны не знаходзіцца, таму сумесна з лідскай турыстычнай фірмай “Святавіт” плануецца арганізоўваць сплавы па Нёману і Шчары на плытах і байдарках, а таксама развіваць конны і веласіпедны турызм. Прынамсі, у мінулым годзе было зарганізавана і праведзена пяць сплаваў на плытах, ёсць замовы ад аматараў экстрымальнага адпачынку і на бягучы год.

indiga@mail.ru