На беларуска-літоўскай мяжы затрыманы нелегалы

Расіяне чачэнскага паходжання выклікалі ўвагу пільных беларускіх памежнікаў перш за ўсё сваім знешнім выглядам. Калі службоўцы пачалі спраўджваць дакуманты, высветлілася, што іншаземцы не маюць права знаходзіцца ў памежнай зоне. Да таго ж іх пашпарты не ўтрымлівалі візаў заходніх дзяржаў, што ў пэўных выпадках дае права на транзітнае перасячэнне беларускай мяжы.

У памежнай камендатуры чачэнцы патлумачылі, што ў пошуках лепшай долі яны накіроўваюцца ў краіны Еўразвязу. Грамадзяне Расеі мяркавалі нелегальна перайсці беларуска – літоўскую мяжу, каб потым патрапіць у Польшчу, а затым – далей на Захад.

Але беларускія памежнікі змянілі іх маршрут, які пасля ўдакладнення пэўных падрабязнасцей, возьме ўсходні накірунак і скончыцца хутчэй за ўсё ў Маскве, куды чачэны будуць дэпартаваны беларускімі памежнымі службамі.

indiga@mail.by