Гродна

ПРАФСАЮЗЫ ЕЎРАРЭГІЁНУ “НЁМАН” ЯДНАЮЦЦА

Гарадзенскія актывісты незалежнага прафсаюзнага руху бяруць удзел у працы па стварэнні Міжрэгіянальнай Рады прафсаюзаў еўрарэгіёна “Нёман”.

У пачатку лістапада ў Калінінградзе прайшло чарговае спатканне працоўнай групы, удзел у якім бралі прадстаўнікі прафсаюзаў з Падляскага ваяводства Польшчы, Літвы, Калінінградскай вобласці Расіі і Гарадзеншчыны.

Як паведаміў “Твайму стылю” кіраўнік незалежнага прафсаюзу работнікаў ААТ “ГроднаАзот” Сяргей Антусевіч, які ўдзельнічаў у гэтай сустрэчы, зараз рыхтуецца Статут Міжрэгіянальнай Рады. Прыняты ён можа быць ужо вясной.

Еўрарэгіён “Нёман” быў створаны ў 1997 г. У яго склад уваходзяць Гарадзенская вобласць Беларусі, Падляскае ваяводства Польшчы, пяць раёнаў Калінінградскай вобласці Расіі, а таксама тры паветы Літвы. Супрацоўніцтва прафсаюзаў з розных частак еўрарэгіёна распачалося ў 2004 г.

http://t-styl.info